首頁 日報娛樂

貼地旺角掃街買內衣 ?呂佳容??求鄭伊健講返廣東話?

14/08/2019
■佳容揀黑色性感內衣時,跟助手有商有量。
■佳容揀黑色性感內衣時,跟助手有商有量。 (1/7)

  內地女星呂佳容早前來港宣傳,被本報發現貼地到旺角掃街買小食,更熟路去女人街買性感內衣,之後再去朗豪坊揀化妝品,期間被內地遊客認得任集郵。事後佳容話好鍾意來港消費,但話常同港星合作更學識聽廣東話,但笑指剛同鄭伊健合作內地劇集,竟坦白要求對方講番廣東話,「你講國語我仲介意。」撰文:杜淑霞 採訪:張詠森

  佳容早前為本地雜誌拍攝性感寫真相,趁住空檔來港宣傳兼順道休息,結果被本報發現她到旺角逛街,當日中午12時左右,她在兩名助手陪同下先在銀行中心附近現身,見到小食檔三人即狂掃小食醫肚。之後便行去女人街shopping,精品及手袋她們都唔放過,行到內衣檔,佳容即入內睇,買完肉色打底丁字褲,再睇黑色透視性感內衣,仲好叻咁同老闆娘講價。她們買完底底再行一陣,就過隧道去朗豪坊,主力選購化妝品,最後買完唇膏就坐車走人。

為劉青雲願減片酬

  事後聯絡佳容,她承認好鍾意在港shopping,「我有時間都會嚟玩,呢度平民嘢又有,高檔品牌嘢都有。」問到她講價時識聽廣東話,她笑言多得合作的對手,「我同過好多臺前幕後嘅香港人合作,耐咗就識聽。(緋聞男友陳偉霆?)係呀!佢講國語有時我都聽唔明。」

  她又自爆最近跟鄭伊健合作內地劇《如果可以,絕不愛你》時,伊健問她介不介意他講廣東話,她即神回:「你講國語我仲介意呀!」不過原來她努力學廣東話,還為了有機會跟男神劉青雲合作,「他跟他太太郭靄明我都很崇拜,我找對象都希望像劉青雲一樣,如果可以跟他合作,莫說學講廣東話,就算片酬也可以商量啦!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd 5566精彩网址大全