首頁 日報娛樂

?恐怖腦膜炎 生死搏鬥168小時 韓馬利死過翻生要享受人生

06/12/2019
?笑談病情
■韓馬利憶述死過翻生經歷,笑中帶淚。講返自己係「衰」老婆,韓馬利一味喪笑,相當唔好意思,然後補充話,其實打理屋企都頭頭是道,要乜有乜,仲會親自做家務,尚算合格。
?笑談病情 ■韓馬利憶述死過翻生經歷,笑中帶淚。講返自己係「衰」老婆,韓馬利一味喪笑,相當唔好意思,然後補充話,其實打理屋企都頭頭是道,要乜有乜,仲會親自做家務,尚算合格。(1/9)

????????人生無常,對險死的韓馬利(Mary姐)來說有深切體會。今年八月,65歲的Mary姐因腦膜炎在醫院昏迷了一周,原來當時相當危險,一隻腳踩咗入鬼門關,連醫生都話:『好少咁大年紀仲患腦膜炎,會比較棘手。』對癥下重藥三星期,冇咗炎癥,但接下來還要面對腦部受損後引發嘅種種後遺癥,包括有輕微抑鬱癥、氣虛血弱同埋腦筋遲緩等狀況。執返身彩的Mary姐坦言唔怕死更有感而發:「唔知餘下日子仲有幾多,要過有質素、有意義嘅生活,要豐盛人生。以前冇做過嘅事,亦要補償番畀老公,至少要多啲去欣賞佢。」

呢場生死搏鬥喺今年八月發生,面黃黃的Mary姐憶述時猶有餘悸:「好記得嗰日凌晨出發,抱病同老公杜燕歌去內蒙古做嘢,當時個身滾滾地燒得唔算嚴重,以為只係普通感冒啫,啪粒成藥就冇事,點知兩日後返港仲未退燒,好彩我順老公意去睇醫生,醫生建議我馬上入院,當時我仲未知死,懷疑醫生錯判,最後印象坐上輪椅搞入院登記,之後發生乜事就唔太清楚,因為經已陷入昏迷狀態,斷曬片!」

昏迷七日 嚇死老公

??Mary姐昏迷一星期後稍為有返意識,「原來喺頭7日未斷到癥嘅日子,我嘅病情相當危急,嚴重到神智不清,要抽骨髓嚟化驗,但咁痛我都冇知覺。老公當然好驚,不知所措係咁喊,話寧可我好似以前咁成日駁佢咀!探過我嘅朋友話,當時我講嘢語無倫次相當恐怖,問埋啲奇怪嘢,嚷著話執行李走,要趕去拍劇集《唐人街》(其實套戲已拍完),又反問護士點解唔畀我走?我只係嚟探病喎!甚至一日偷走過兩次,又試過突然走入廁所,除曬啲衫話要沖涼,嚇到護士飛奔入去幫手。醫生見我神智好唔妥,決定安排我照磁力共振照嚇個腦,最後確診係腦膜炎,估計因為我有幾日去唔到廁所,細菌排唔出體內上咗腦,所以o依家我好重視便秘問題。」

食唔落患輕微抑鬱

??Mary姐吊咗三個多星期抗生素,雖然一日比一日清醒,但開始發覺腦部轉數變慢,唔識撳電話回覆朋友訊息,個人又暈陀陀,好攰好攰,起身15分鐘就要瞓返落牀,真係執金都冇力,原來要面對好多後遺癥開始識驚:「我幾日幾夜食唔落嘢,吞極都吞唔到,每次食嘢好想喊,老公好擔心我要插胃喉灌食,猛勸我食小小粥水,因為又瞓唔到,個人好虛脫,好負面,好恐慌,而且手震、腳震,要老公拖住行,甚至瞓到半夜全身出汗,但係咁打冷震。醫生講明唔可以再病,一病就救唔到我,老公怕我冷親,成晚幫我全身攝乾毛巾吸汗。後來經教友介紹再睇心理醫生,評估我因為腦膜受損影響有輕微抑鬱癥,要食六個月血清素控制,加埋高劑量維他命C及補腦補充劑,現時食得瞓得,由最瘦得返46KG回升到50KG,雖然記性仲係差少少,尤其係唔記得人名,但我當自己好返曬。哈!我諗我暫時拍唔到古裝劇,做唔到專業律師、醫生、法官。腦科醫生話最快要等半年畀個腦康復,叫我惟有打多啲麻將。」

懺悔要做個好老婆

??Mary姐因為病而拉近了兩公婆的關係:「今次變相係祝福,發覺原來老公好細心,結婚三十年從來未見過佢對我咁緊張,服侍周到,朋友提供健康餐單,佢就照辦煮碗整畀我食,如人蔘燉湯,後來睇中醫先知嗰個階段虛不受補,所以食到我…哈哈…老公仲禱告話寧願啲病畀曬佢,因為老婆唔識得照顧自己喎,好感動,以前佢有乜嘢都唔表達出嚟,我係男人性格,佢唔講我鬼知咩。回想返老公試過發高燒入院,我坐咗陣就話趕住去開工,佢怪我冇煲過嘢探病,三日後仲要自己出院,但我以為佢小題大做喺度玩嘢;我又冇陪佢做激光打腎石手術,當時我開工開得密嘛,見佢冇事咪番工囉!呢啲老婆咪衰囉,邊度會衰成咁,o依家傾返我有同佢say sorry?,以後我都唔會成日投訴佢,盡量唔會駁佢咀。」

採訪:方騫平

場地:IDance

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd 5566精彩网址大全